Abenduan, Tafallako Udalak, herri ekimen baten proposamenez, herria bakezale eta egungo krisia pairatzen duten pertsonekiko solidario izendatzeko mozioa onartu du. Horrekin bat etorriz, Gabonetako jaietan, Bakearen aldeko eta gerraren eta NATOren aurkako pankarta bat jartzea erabaki da udaletxearen aurrealdean. Adierazpen horren bidez, Tafalla Bardeako Tiro Poligonoaren eta NATOko kide izatearen aurka agertu zen, eta erabaki zuen jarrera hori Espainiako gobernuak Nafarroan duen ordezkariari helaraztea. Azkenik, adierazpen askatasunaren eta komunikabideen aniztasunaren alde egiten du, Poloniako espetxe batean bidegabeki eta bermerik gabe preso jarraitzen duen Pablo González euskal kazetariari elkartasuna adieraziz.
Herrien Europako bakearen aldeko plataformak eskatuta, Tafallako Udalean gehiengoz onartu da:
– Tafalla, izaera bakezaleko hiria.
– Tafalla, hiri solidarioa, krisi hau jasaten ari diren pertsona guztiei babesa ematen diena.
– Tafallak, duela 19 urte bezala, olana bat jarri zuen berriro udaletxeko balkoian, Eguberri jaietan Gerrei eta NATOi EZ- Tafalla por la Paz.
– Tafalla Bardeako Tiro Poligonoaren aurka dago, baita NATOko kide izatearen aurka ere, estatubatuarren babespean dagoen aliantza militar gisa. Bi jarrera horiek gutun baten bidez helaraziko zaizkio Espainiako Gobernuak Nafarroan duen ordezkariari.
– Tafalla adierazpen askatasunaren eta komunikabideen aniztasunaren alde. Elkartasuna Pablo González kazetariari.
