Neftejugansk herriko biztanle batek bere kotxea 4 mila kilometrotan zehar gidatu du Donbassera laguntza humanitarioa eramateko.
TASS berri-agentziaren arabera, Viktor Jalovegak bere kotxean bere ortuko barazkiak, medizinak, arropa eta zapatak sartu ditu, guztira 700 kilotako karga osatuz.
“Ezin nuen bizi han anaien arteko guda bat zegoela eta nik laguntzeko ezer egin ez nuela pentsatuz. Beraz, zeozer egitea erabaki nuen. Neftejuganketik Donetskera 4 mila kilometrotan gidatu dut. Muga Donetsk-Izvarino kontrolean zehar gurutzatu nuen” azaldu du Siberiako biztanleak.
Baserritar honek kazetariei bere arazoen berri eman die. Ilara batean egon behar izan mugatik bi kilometrotara, eta azkenean Luganskera kostata sartu izan da. Viktorrek bere bidaia Ukrainako Hego-Ekialdeko biztanleei laguntzeko zerbait egiteko pret daudenentzako eredu bat izango dela espero du.
